4 ka pamilya nga biktima sa pag-igo sa buhawe gitabangan
CEBU, Philippines — Gitabangan sa lokal nga kagamhanan sa Lungsod sa Medellin sa amihanang bahin sa lalawigan sa sugbo ang mga pamilya nga nakasinati og kadaut ang ilang mga panimalay tungod sa pagkusokuso sa miigo nga buhawe niadtong Domingo.
Naglakip sa gitabangan sa lokal nga kagamhanan sa maong lungsod mao ang mga molopyo sa Sitio Concepcion sa Barangay Panugnawan pinaagi sa paghatag og pagkaon og mga housing materials.
Si Mayor Benjun Joven Mondigo mihatag og pasiunang hinabang sa mga pamilya nga naapektuhan pinaagi sa Municipal Social Welfare Development Office (MSWDO).
Lakip sa gipanghatag mao ang ready to eat nga pagkaon ug roofing materials.
Sa nasayran mokabat sa upat ka pamilya sa nahisgutang dapit ang nahimong biktima sa pag-igo sa buhawe. —MEL (BANATNEWS)
- Latest