DOH: Magmatngon kanunay sa panglawas aron dili masakit

CEBU, Philippines — Si Dr. Jaime Bernadas, direktor sa Department of Health-7 nipahimangno sa katawhan nga magmatngon sa panglawas tungod sa kalit nga pag-usab-usab sa panahon diin mokalit og bunok ang uwan ug maglagiting ang kainit.

Matud ni Bernadas nga tungod sa pag-usab sa klima mahimong makaangkon og mga sakit sama sa ubo, sipon ug hilanat.

Ug kong magsige og ulan posibleng maigo sa food and water borne diseases ug lakip sa bantayan ang dengue.

Si Bernadas nagkanayon nga dili lang COVID-19 ang bantayan lakip na ang maong infectious diseases nga anaa sa komunidad.

Pahimangno usab sa DOH nga dili kalimtan ang pagdala og payong o kalo isip proteksiyon sa kainit ug importante nga maligo ug mag-inom og vitamins ug matulog og sayo aron himsog kanunay.  BDB (BANATNEWS)