Non-banking financing institutions pagtanyagon og loan

CEBU, Philippines — Ang konseho sa Dakbayan sa Sugbo niawhag sa non-bank financing institutions sama sa microcredit ug pawnshops nga motanyag og affordable loan assistance ngadto sa micro enterprises.

Tumong niini aron makaumol ang mga negosyante sa pagsugod og balik sa ilang negosyo ug mamenosan ang gidaghanon sa mga walay trabaho sa siyudad.

Ang konseho sa siyudad nipalabang sa resolusyon nga gipangamahanan ni Konsehal Raul Alcoseba kalabot sa maong katuyoan. Matud ni Alcoseba nga ubay-ubay  sa micro, small and medium enterprises (MSMEs) sa  siyudad ang naglisod sa pagpadagan sa ilang negosyo tungod sa pandemiya hinungdan nga maglisod na sila og hire og balik sa gipapahulay nila nga mga trabahante.

Sa niaging tuig nahisgotan sa Asian Development Bank (ADB)  nga  ang non-bank financing sama sa microcredit ug  pawnshops adunay dakong papel sa pagtabang sa  MSMEs kauban ang financing requirements.

Ang Central Visayas usa sa mga unom ka rehiyon sa nasud nga adunay doble nga digit sa unemployment rate base sa 2020 Annual Preliminary Estimates of Labor Force Survey (LFS) sa Philippine Statistics Authority (PSA).

Ang Ilocos region, 13.4 porsyento; Central Luzon, 13.1porsyento; National Capital Region, 11.7%; CALABARZON,11.6%; Cordillera Administrative Region,10.4 porsyento ug Central Visayas, 10.3 porsyento. BDB (BANATNEWS)