Siklista napunggit sa awto patay

CEBU, Philippines — Patay diha-diha ang usa ka siklesta human nadasmagan og awto sa Barangay Dumlog, Dakbayan sa Talisay niadtong miaging adlaw.

Ang namatay nailhan nga si Junmery Rodriguez, 19, alyas Pangag ug residente sa maong dapit. Samtang ang nakadasmag kaniya mao si Manuel Perocho, 41, taga Barangay Biasong sa nahisgutang siyudad.

Sa imbestigasyon sa kapulisan nasuta nga nagbisekleta ang biktima sa dihang nibangga kaniya si Perocho nga nagmaneho sa iyang awto.

Nakaangkon og grabe samad ang biktima nga maoy nakaingon sa iyang kamatayon. Si Perocho mitahan sa iyang kaugalingon sa mga otoridad.

Ang pamilya sa namatay ug ang nakadasmag nagsabot nalang nga husayon kini tungod kay sila nagtuo nga disgrasya gyud kadto.— IBM (BANATNEWS)