Mga imahen sa santos sa argao gipangguba
CEBU, Philippines — Usa ka lalaki nga giingong adunay deperensiya sa pangisip ang niguba sa imahen ni St. Raphael ug niboak sa glass cover ni St, Michael the Archangel nga nahimutang sa gawas nga bahin sa simbahan sa St, Michael the Archangel Parish, Lungsod sa Argao Cebu.
Matud ni Police Staff Sergeant Howard Mynopas, desk officer sa Argao Police Station nga alas 6:00 sa buntag nidangop sa ilang buhatan ang municipal councilor aron sa pagpahibalo sa maong hitabo.
Matud ni Mynopas dali nila kining gialarmahan ug nakita sa mga kauban niyang nialarma ang kahimtang sa mga rebolto nga nabali ug naboak.
Base sa imberstigasyon sa kapolisan nasayran nga usa ka lalaki nga adunay deperensiya sa pangisip ang nipasipala sa maong mga rebolto. Ang maong lalaki gidala kini ngadto sa tambalanan. Ang kapolisan naghuwat kini sa kadagkoan sa simbahan nga moanha sa ilang buhatan kalabotan sa maong insidente.
Ang tigpamaba sa Archdiocese of Cebu Monsignor Joseph Tan nagkanayon nga ang pamilya makig-alayon na karon ngadto sa parish pastoral council sa mga kadaot nga nahimo sa maong lalaki. —BDB (BANATNEWS)
- Latest
