Marijuana plantation gironda

CEBU, Philippines — Dul-an sa singko milyones nga balor sa tanom nga marijuana ang gilarot sa hiniusang operasyon sa Cebu City Police Office, militar ug PDEA-7 diha sa Sitio Sampinit, Barangay Tagbao bukiran nga barangay sa Dakbayan sa Sugbo. Ang giingong nananom niini nakaeskapo human nakabantay sa presensya sa mga operatiba.

Nalarot ang 11, 200 ka mga fully grown nga marijuana diin aduna kini estimated value nga moabot ngadto sa P4,480,000 nga gitanom sa 800 sq.meters nga luna.

Samtang kanhi amateur boxer ang apil sa nadakpan sa National Bureau of Investigation Central Visayas (NBI-Cevro) sa Sitio Univille, Barangay Kasambagan sa Siyudad sa Sugbo.

Giila ng dinakpan nga Junrey “Jobax” Baguio nga matod pa kanhi amateur boxer kinsa giingong napalitan sa NBI og illegal nga drugas atol maong operasyon niadtong Byernes, Mayo 7.

Apan matud pa ang nadakpan sab nga bayaw niini nga si Rogelio “Tulan” Sabellano nga nagpadagan sa drug den sa maong dapit maoy target sa NBI.

Gawas nilang duha, apil sa mga naaresto mao sila George Encontro, Jude Loue Ulgasan, Noel Fernandez, Alvin Veloso ug Kim Sembrano nga nasakpan usab ug giingong padulong na  manuyop.

Nakuha gikan ni Sabellano ang walay lisensya nga .38 caliber nga dunay mga bala. Mga drug paraphernalia diha sa drug den.

“Ang imporamsyon gikan sad sa molupyo didot sa lugar sa Kasambagan, , neighbor ra nila. Naalarma na sa activity nila so nislkumbong” matud ni Atty. Renan Oliva ang regional director sa NBI-7.

Ang drug den sa Kasambagan, mao ang ika-limang drug den nga nasakpan sa NBI -7 karong tuiga.— Le Phyllis F. Antojado/IBM (BANATNEWS)