Dugang mga bakuna nangabot sa Cebu
CEBU, Philippines — Miabot kagahapon sa buntag ang 132,000 doses sa AstraZeneca ug 29,250 doses sa Pfizer sa BioNTech Corona Virus Disease (COVID)-2019 vaccines ang miabot sa Mactan Cebu International Airport (MCIA).
Ang maong mga bakuna dali nga gidala sa cold storage facility sulod sa compound sa Department of Health Central Visayas sa Cebu City.
Si Dr. Mary Jean Loreche, tigpamaba sa DOH-7 miingon nga sagad sa bag-ong batch sa AstraZeneca vaccine gamiton sa second doses sa mga tawo nga nakadawat sa unang dose niini.
Matud ni Loreche nga ang kapin 29,000 ka doses sa Pfizer’s BioNTech anhi lang gamiton sa mga highly- urbanized cities sa Sugbu tungod sa kasensitibo niini sa temperatura.
Ang Pfizer’s vaccines kinahanglan isulod og freezer nga -70 degrees Celsius ng temperatura.
Ang Central Visayas gitagan-an og 396,210 doses sa COVID-19 vaccines, apil na niini ang nangabot kagahapon, Martes, Mayo 12, 2021.
Center of gravity
Si National Task Force Against COVID-19 Chief Implementer Sec. Carlito G. Galvez Jr. mipasalig nga magpadayon ang supply sa bakuna dinhi sa Metro Cebu tungod kay ang estratehiyang gitumbok sa National Vaccination Program motutok sa usa ka lugar dayon palapdan.
Ang labing maayong dapit nga tutokan mao ang mga economic centers sama sa Metro Cebu ug mga dapit nga kinadaghanan og kaso. Kining mga lugara mao ang Metro Cebu, National Capital Region, Bulacan, Cavite, Pampanga, Laguna, Batangas ug Rizal ug Metro Davao.
Masaligon si Galvez nga makab-ot sa nasod ang herd immunity ug mas malipayong pasko karong tuiga tungod kay daghan ng supply sa bakuna ang mangabot sa nasud.
Ning bulana lang 11,364,000 ka dose sa mga bakunang Sinovac, Sputnik ug Pfizer ang nangabot ug dunay dugang 20,514,000 doses nga moabotay sa Hunyo lakip niini ang Moderna ug AstraZenica.— Caecent No-ot Magsumbol /IBM (BANATNEWS)
- Latest
