Sweldo sa jo mahatag na sa sunod semana– Casas
Cebu, Philippines — Wala madayon sa niaging adlaw ang gikatakdang pag-apod-apod sa sweldo sa job orders sa Cebu City Medical Center (CCMC) ug Cebu City Quarantine Center (CCQC) gumikan kay aduna pay gi-finalize sa mga dokumento.
Apan gipasalig ni Atty. Floro Casas, city administrator nga sigurado na nga mahatag na kini sa sunod semana.
Nasayran nga upat ka buwan na nga na-delay ang sweldo sa mga doktor, nurse ug uban pa nga job orders sa CCMC ug CCQC
Sayo pa, giangkon ni Casas nga malangan ang sweldo sa nahisgutang mga JO tungod kay aduna sila’y gisunod nga proseso.
Ang maong mga JO nga gi-augment panahon sa emerhensiya ug wala sila naapil sa annual budget.
Ang siyudad nangita kini og tinubdan sa budget alang sa sweldo sa maong mga JO hinungdan nga taas-taas ang proseso.
- Latest
