Mandaue City Hall gisugdan na pag-ayo

Cebu, Philippines — Hingpit na gyod nga gisugdan ang pag-ayo sa left wing nga bahin sa Mandaue City Hall nga nagkantidad og P8 milyones. Si Vice mayor Glenn Bercede miingon nga ilang gilauman nga mahingpit ang paghuman sa gipahigayon nga renovation sulod lamang sa unom ka bulan Kahinumdoman ang left wing sa Mandaue City Hall building ang nakasinati og kadaut human sa nahitabong sunog niadtong Hunyo 11, 2020.                                       

Ang mga buhatan nga naapektuhan sa pagkaguba sa left wing sa Mandaue City Hall mao ang  buhatan sa bise mayor, mga sakop sa Sangguniang Panglungsod (SP),ingon man sa Public Information Office (PIO).                                        

Suma ni Bercede nga ang desinyo sa Presidencia Building ang gitinguha nilang mahibalik ang naandan niining kahimtang sanglit gikonsiderar man kini nila nga landmark sa dakbayan sa Mandaue.                                     

“i-restore gyud tanan, inig balik sa mga konsehal sa ilang cubicle, sauna man gud murag diretso-diretso ra ila’ng lamesa, karun cubicles na sila para adunay privacy. I-restore tanan apil akong office,” ni Bercede pa. (BANAT NEWS)