CPPO mopatuman sa Sugbusog Program

Cebu, Philippines — Sagupon sa Cebu Provincial Police Office (CPPO) ang pagpatuman sa Sugbusog program sa Probinsya sa Sugbo ngadto sa nagkadaiyang police stations sa lalawigan.

Si CPPO Director Col. Engelbert Soriano nipahibalo kang Gobernador Gwendolyn Garcia nga iyang gimandoan ang mga police personnel nga mohimo og backyard garden sa provincial headquarters sa Sudlon, Lahug, Siyudad sa Sugbo ug sa tanang police stations ubos sa hurisdiksyon sa CPPO.

“Nag-pledge si Gov (Garcia) og seedlings. We’ll partner with Department of Agriculture para mabigyan ng talong, kamatis, okra. Yung madaling mag-grow and mamunga... Ang mindset ko po kasi i-align lahat ng programs namin with the programs ng ating Provincial Government. Otherwise, hindi iisa ang movement namin,” matud ni Soriano sa report sa Sugbo News ang news portal sa Probinsya sa Sugbo. Gikatakda nga suroyon ni Soriano ang mga police station sugod Mayo 15 aron susihon ang mga tinanom nga utanon sa mga police.

Kun ang usa ka police station walay igong lugar nga kahimoan sa backyard garden mamahimo nga mogamit og containers o recyclable materials alang sa pag tanom.

Ang gardening iapil kini sa athelitc activities sa kapolisan sa probinsya matag Martes ug Huwebes ingon man weekends. ( BANAT NEWS)