Pantalan sa Tudela mapalapdan
Cebu, Philippines — Gipaabot nga mapalapdan na ang pantalan sa Lungsod sa Tudela nga maoy agianan sa mga pasahero gikan sa lungsod sa Pilar ug sa mga silingang Probinsya sa lalawigan sa Sugbo.
Si Cebu Governor Gwendolyn Garcia ang nangulo sa groundbreaking sa Phase 2 sa pag-ayo ug pagpalapad sa Hagutapay Wharf sa Puertobello sa Lungsod sa Tudela niadtong Mayo 4, 2021.
Mokabat sa P2.5 milyones ang pondo nga gigahin alang sa maong proyekto.
Ang Phase 1 gigahinan kini sa lungsod og P2.5 milyones gikan sa 20 percent nga development fund niini.
"So mao ni nahimong P2.5 million nga kahumanan sa ramp section 18 meter nga width na siya unya lower ang iyang approach kay og maghunas, dili maglisod ang mga pasahero from Pilar unya.." suma pa ni Tudela Mayor Greman Solante atol sa groundbreaking.
Ang Hagutapay Wharf mao ni ang gateway sa mga taga Camotes padulong sa Ormoc City, Palompon, Isabel ug sa municipal island ang Pilar.
Matod ni Mayor Solante nga economic enterprise ang direksyon sa ilang wharf tungod kay padayon naman usab ang byahe sa gagmay nga sakayan pandagat ug posible sa umaabot makadani pa kini og mga shipping operators.
Sama sa byahe padulong sa Ormoc nga matod sa mayor adunay byahe matag adlaw nga posible pa madugangan ang byahe tungod sa kadaghang pasahero. (BANAT NEWS)
- Latest
