PWD gipasidan-ang maghuwat lang sa balay

Cebu, Philippines — Si Cebu City Mayor Edgardo Labella nipasidaan sa mga person with disability (PWD) nga maghuwat ra gyud sa balay atol sa distribution sa ilang financial assistance tungod kay ihatud kini sa kabalayan sa beneficiaries.

Matud Labella nga final na ang schedule niini diin karong Mayo 8, 2021 sugdan ang pag-apod-apod.

Niining panahon sa pademiya ipadayon gihapon ni Labella ang nasugdan nga pamaagi sa niaging tuig nga house-to- house distribution sa hinabang.

Nasayran nga sa wala pa ang pandemiya naandan na nga adto kini i-apod-apod sa mga barangay hall.

Sa maong pamaagi sa paghatud sa hinabang sa mga balay tumong niini nga dili ma-expose sa daghang tawo ang PWDs aron malikay sila sa virus.

Ang matag PWD makadawat kini og P5,000 kini sulod sa lima ka buwan nga hatagan sa siyudad kanila sugod sa buwan sa Enero hangtud sa Mayo niining tuiga.

Base sa talaan sa Department of Social Welfare and Services (DSWS) ang siyudad adunay dul-an sa 12,000 ka beneficiaries sa financial assistance o rehistradong PWDs.