2 ka opisyal sa kapolisan gibalhin og destino

Cebu, Philippines — Milingkod na sa tagsa tagsa nila ka pwesto ang duha ka opisyal sa kapolisan human sa gihimong paglahugay.

Miasumer na sa katungdanan isip acting chief sa kapolisan sa Lungsod sa Consolacion si Police Lieutenant Colonel Fortunato Ecle Jr. nga gikan sa Lungsod sa Carmen.

Kini human gibalhin og laing destino ang kanhi hepe sa Consolacion nga si Police Major Verniño Noserale.

Si Noserale gibutang isip hepe usab sa intelligence unit sa kapolisan sa Mandaue City Police Office (MCPO).

Ang turn-over ceremony gipanguluhan ni Colonel Engelbert Soriano nga maoy hepe sa Provincial Police Office sa lalawigan sa Sugbo. (BANAT NEWS)