Laptops og mga printer gidonar ngadto sa mga publikong tunghaan
Cebu, Philippines — Nakadawat og 13 ka laptops ug 13 ka mga printer ang mga publikong tulunghaan sa high school sa Lungsod sa Consolacion.
Si Mayor Joannes Alegado maoy personal nga mitunol sa maong mga butang nga magamit sa mga magtutudlo alang sa nagpadayon pa nga modular education sa mga estudyante.
Suma pa ni Mayor Alegado nga ang ilang paghatag sa maong laptops ug mga printer ngadto sa mga publiko nga tulunghaan maoy nagsilbi nga pag-abag ngadto sa Department of Education (DepEd) niining panahon sa krisis sa pagtungha nonot sa coronavirus disease.
Kini nahimo usab nga kabahin sa development agenda sa mayor alang sa edukasyon sa kabataan sa iyang lungsod.
Sila si DepEd Supervisors Remedios Lupo sa District 1 ug Mr. Raul Jumao-as sa District 2 maoy midawat sa nahisgotang mga donasyon. (BANAT NEWS)
- Latest