Incentive sa honor graduates sa Cebu City patas-an
CEBU, Philippines — Giduso ngadto sa Committee on Laws, Ordinances, and Styling aron ipaubos kini sa review ang ordinasahon nga gipangamahanan ni Konsehal Alvin Dizon kabahin sa pag-usab sa pamaagi sa Honor Graduate Incentive Program.
Nasayran nga gumikan sa mga kausaban sa dagan sa panahon kinahanglang adunay pagahimuon nga adjustments sa kantidad sa kwarta nga ihatag ngadto sa honor students ug giingong patas-an kini.
Ang pagpahatag og incentives ngadto sa honor students nagsugod kini niadtong tuig 2016.
Base sa sugyot ni Dizon, ang P3,000 nga alang sa valedictorian himuon na nga P6,000, samtang ang P2,000 sa salutatorian himuon na nga P4,000.
Ang naandan nga P1,000 sa first honorable mention himuong P3,000 ug ang P500 nga incentives sa second honorable mention hangtud sa eight honorable mention himuon na nga P2,000. BDB (BANATNEWS)
- Latest
