Talagsaong prutas nabuhi gihapon duol sa baybayon
CEBU, Philippines — Talagsaong prutas nga mabuhi adto lang sa mga mabugnaw nga lugar ang makita karon sa barangay Pooc, Dakbayan sa Talisay nga us aka coastal barangay sa maong siyudad.
Ang maong mga prutas mao ang strawberry, grapes, cacao ug uban pa nga gitanom ni Dats Lastimado sa bakanteng luna nga wala gamita sulod sa pila na ka tuig.
Gibutyag ni Lastimado nga gawas niini maong mga talagsaong prutas nananom sab sila og mga klase-klaseng utanon, lamas sama sa sangig, sweet basil, rosemary ug hydroponic lettuce.
Si Kapitan Osmundo Manreal mibutyag sab nga para sa mga silingan ni Lastimado libre lang kini kini. Nagtudlo sab si Lastimado kung unsaon pagpatubo sa maong mga tanom.
Nahimo na nga ehemplo sa barangay Pooc ang garden ni Lastimado. Gawas sa mga tanom nakahimo nasab sila og fertilizer. –IBM (BANATNEWS)
- Latest