BPO industry maoy nag-una nga trabaho taliwa sa pandemiya
CEBU, Philippines — Nag-una gihapon ang BPO industry sa mga in demand nga trabaho bisan pa taliwala niining giatubang karon nga pandemya,
Kini ang nasayran gikan ni Department of Labor and Employment Regional Director Salome Siaton atol sa gipahigayon nga virtual conference.
Matud pa ni Siaton, bisan pa man sa COVID-19 pandemic padayon gihapon nisulbong ang BPO industry tungod kay wala man kini magkinahanglan ug face to face. Nasayran nga atol sa pagbukas sa online jobs fair kagahapon daghan nga kompaniya sa BPO industry ang misalmot.
Samtang si Wesly Chiongbian, ang pangulo sa Mynimo.com nga katambayayong sa DOLE-7 nitug-an nga nag-una gihapon ang BPO sector sa top 5 job categories sa mga trabaho, nga gisundan sa Skilled Workers, Sales Position; I.T Position ug Health Care Workers.
Dugang pa ni Chiongbian, sa pagka karon adunay 70 ka mga kompaniya nga adunay good standing ngadto sa DOLE ang nipaabot nga moapil sa online job fairs.
Gibutyag ni Chiongbian, ang top 3 destinations sa mga trabaho nag-una ang Cebu, Bohol ug Dumaguete. MEL (BANATNEWS)
- Latest