Gwen giawhag mag-senador
CEBU, Philippines — Usa ka grupo sa mga Sugboanon ang niawhag kang Gobernador Gwendolyn Garcia nga padaganon kini pagka senador sa nasud umaabot nga eleksyon.
Ang mga nagpasiugda sa “Gwen for Senator: Ang Probinsyana, Run Gwen Run” movement nagtoo nga si Garcia adunay kapabilidad nga mahimong maayong senador.
Sumala usab sa grupo nga wala nay Sugboanon nga anaa karon sa Senado.
Si Edward Ligas ang usa sa mga nagpasiugda niini kinsa usa ka international boxing judge ug radio personality nagkanayon nga sigurado silang makadaog si Garcia hilabina nga suportahan gyud kini sa mga Sugboanon nga maoy usa sa pinakadaghang botante.
Si Neil Papas nga usa sab international boxing judge nagkanayon nga adunay daghang kalidad misusama kang Garcia sa usa ka boksingero nga mahimong magamit sa usa ka maayong senador.
“Because of her ring generalship, the governor was able to implement her 12-point agenda. She was able to implement economically viable programs that will answer the needs of her constituents such as infrastructure; water; power; health; education; agriculture and food suffiency; women and children; business; tourism and environment,” matud ni Papas.
Apan si Garcia sa dihang gikuhaan og pamahayag sa mga sakop sa media nagkanayon wala siyay plano modagan pagka senador tungod kay magpabilin ra siya sa Probinsya sa Sugbo.
"I have no intentions whatsoever of seeking national office. Read my lips, I'm running for Governor again because I feel I am more needed here in the Province of Cebu at this time and in the next years that will follow as we tried to recover from this pandemic," matud ni Garcia.
Ang igsuon niyang si 3rd District Congressman Pablo John Garcia adunay pagdudang ang gustong mopadagan si Gwen pagka senador mao ang mga kontra ra nila sa politika
"I’m suspicious of calls like this groups like this from people nga kalit lang nibutho and I can only suspect nga gikan lang sa kontra partido kay nahibaw sila nga kun modagan usab si Governor as governor wa gyu'y bawot ang pikas partido," sumala pa sa maguwang sa gobernadora. —IBM (BANATNEWS)
- Latest
