Visayan Electric nipahimangno sa ilang mga konsumidor

CEBU, Philippines — Ang Visayan Electric niawhag sa ilang mga konsumidor nga kanunay’ng magmatngon ug mag-kontrolar sa paggamit sa kuryente ilabi na sa summer season diin mabatyagan nila ang pagtaas sa ilang electricity bills.

Sa panahon sa ting-init kusog usab ang gamit sa mga electric fan ug air conditioners. Giingong pipila sa mga konsumidor dili ibton gikan sa outlet ang ilang appliances bisan wala sila mogamit niini.

Matud sa Visayan Electric nga ang mga appliances nga wala ibtan gikan sa outlet bisan og wala gamita mokaon gihapon kini og konsumo sa kuryente.

Base sa tips sa Visayan Electric kinahanglan usab nga i-check ang air-conditioning unit, ang klase sa air conditioner diin kinahanglan usab nga mohaom sa gidak-on sa kwarto.

Ug kon mogamit og low-horsepower unit sa dako nga kwarto mo doble usab ang konsumo niini sa kuryente.

Importante usab ang regular nga pagpalimpiyo sa unit tungod kay ang hugaw nga  unit mogamit usab kini og dakong konsumo sa kuryente.

Samtang ang refrigerators ipahimutang kini sa lugar nga dili kaayo expose sa init.

Pipila usab sa rason sa pagsaka sa balayranan sa kuryente  mao ang generation charges  gumikan usab sa pag-usbaw sa presyo sa  fuel (coal and bunker) ug pagtaas usab sa presyo  sa elektrisidad sa Wholesale Electricity Spot Market (WESM).

Gipaniguro sa Visayan Electric ngadto sa ilang mga konsumidor nga mapatuman ang ilang saad sapagkunhod sa power rates sa  Sugbo ilabi na karon sa ilang gibuhat sa pag-renegotiate sa mga kontrata sa pipila nila ka  power suppliers. —BDB (BANATNEWS)