DILG-7: Bawal ang sugal sa mga opisyal sa gobiyerno
CEBU, Philippines — Subling mipahimangno ang Department of Interior and Local Government (DILG) sa tanan opisyal sa gobiyerno nga dili gyud malambigit sa illegal nga kalihokan.
Kini human nga usa sa ilang empleyado sa DILG-7 ang naapil sa 55 ka mga indibidwal nga giaresto sa tigbakay sa lungsod sa Poro sa isla sa Camotes niadtong adlaw nga Domingo. Ang maong empleyado giila nga si Cliff Otadoy, 52, nga sumala sa DILG-7 usa ka field officer sa ahensya didto sa Poro.
“After initial verification, we confirm that the said person is currently employed and is serving as our field officer in Poro, Camotes,” sumala sa pamahayag sa DILG-Central Visayas.
Si DILG-7 Director Leocadio Trovela, ni nimando sa DILG-provincial office pagsuta sa hitabo ug mosumiter kaniya og report. “Without preempting the investigation and while affording him due process, let this be a stern warning to our employees and field officers that we will never tolerate any transgression by them of our community health regulations and existing IATF policies as we seriously deal with this health crisis,” matud sa DILG-7.
Gawas kang Otadoy, apil usab sa nadakpan ang duha ka konsehal sa lungsod sa Poro nga sila si Ashley Otadoy ug Andrew Zurita ug ang konsehal sa Barangay Mercedes nga si Dennis Camomot.
Sumala sa DILG-7, angay ra nga sundon ang proseso sa balaod human sa pagkasikop sa maong mga opisyal.
“Let the process and law take their course,” sumala sa DILG-Central Visayas. —IBM (BANATNEWS)
- Latest
