LLCPO nangandam alang sa seguridad sa president
CEBU, Philippines — Gipangandaman sa kapolisan sa Lapu-Lapu City Police Office (LLCPO) ang paghatag og seguridad kang Presidente Rodrigo Duterte kong ugaling makahukom kini sa pagtambong sa ika-500 ka tuig nga kasumaran sa Kadaugan sa Mactan sa Abril 27, 2021.
Si Police Colonel Arnel Banzon, direktor sa LLCPO nagkanayon nga duha ka matang sa security plan ang ilang giandam ug usa niini mao ang security plan kon motambong ang presidente sa kalihokan.
Sayo pa, gipahibalo ni Mayor Junard Ahong Chan nga adunay dakong posibilidad nga dili makatambong ang presidente sa nasud tungod sa pagsaka sa kaso sa COVID-19 sa Metro Manila.
Gawas niini, ang pipila ka mga sakop a Presidential Security Group (PSG) ang nagpositibo usab sa virus.
Ug kong ugaling makatambong ang presidente sa kalihokan matud ni Banzon nga 400 ka polis ang i-deploy diha sa Liberty Shrine diin anha sa maong lugar ipahigayon ang reenactment sa Battle of Mactan. BDB (BANATNEWS)
- Latest