Pinusilay polis vs tadtad
CEBU, Philippines — Usa ang patay ug duha ang angol nga naglakip sa usa ka polis human nagkapinusilay sa dihang dakpon unta ang wanted sa kasong pagpanglugos nga miyembro sa kulto nga Tadtad diha sa Purok Nangwa, Sitio ilihan, Barangay Lataban sa lungsod sa Liloan kagahapon sa kaadlawon.
Ang nakalas naila Arnel Capangpangan, 35, nga subject sa warrant of arrest lumad nga taga Iligan City ug temporaryo nga nagpuyo sa maong lugar.
Samtang ang mga naangol naila mao ang igsuon niining si Marlou Capangpangan, 25. Samtang duha sa ilang mga kauban ang nakaeskapo atol sa pinusilay. Nasamtang sab sa operasyon si Police Lt. Zosimo Rabanes Jr., 53, Anti-Kidnapping Group Team Leader sa Police Regional Office-7.
Ang elemento sa AKG7, RID PRO7 ug Liloan MPS ni served ug warrant of arrest may kalabutan sa kasong rape batuk sa upat.
Apan inay nga motahang malinawon gikatahong nakigpinusilay ang managsuon hinungdan sa sinukliay og bala. Si Rabanes naigo sa walang bahin sa iyang lawas ug daling gidala sa tambalanan lakip ang usa sa nasamdang suspek.
Ang kulto nga Tadtad nahimong notoryus niadtong dekada 70 hangtud 90 didto sa Mindanao. Usa kini ka Kristiyanong kulto nga nagtuong dili madutlan og bala pinaagi sa ilang mga orasyon ug panaad.
Apan ang grupo gitumbok nga responsable sa daghang krimen batok sa mga Muslim ug sa ilang komunidad didto sa Mindanao nianang mga panahona.— IBM (BANATNEWS)
- Latest