Labella naghuwat sa rekomendasyon sa EOC sa liquor ban
CEBU, Philippines — Si Cebu City Mayor Edgardo Labella sa Dakbayan sa Sugbo nagkanayon nga magpaabot sila sa rekomendasyon sa Emergency Operation Center sa paglibkas unya sa liquor ban sa siyudad.
Nasayran nga si Labella nangayon kini og duha ka semana aron tun-an ang paglibkas sa liquor ban.
Matud ni Labella nga nakighinabi na siya sa mga health official hinungdan nga naghuwat siya sa rekomendasyon sa EOC.
Gibutyag ni Labella nga aduna nay mga magpapatigayon ang nihangyo kaniya nga wagtangon na ang liquor ban apan dihang wala pa kini giimplementar adunay mga niabuso diin lipaton lang ang mga gitahasan niya sa pagbantay.
Gipasabot ni Labella nga wala pa mawagtang ang kaso sa COVID-19 sa siyudad ug gani adunay panahon nga mosaka ang gidaghanon sa positibo.
Dugang ni Labella nga dako og tabang ang pagpatuman sa liquor ban sa siyudad sa pagpugong sa kaso sa COVID-19 ug giingong dili pa panahon nga libkason kini. —BDB (BANATNEWS)
- Latest
