Chan morekomendar nga pasudlon na ang mga turistang langyaw
CEBU, Philippines — Gitinguha ni Mayor Junard Ahong Chan ang pagduso og rekomendasyon ngadto sa Inter-Agency Task Force on the Management of Emerging Infectious Disease (IATF-MEID) nga tugotan na ang mga langyaw nga turista nga mosulod sa Dakbayan sa Lapu-Lapu.
Ang mga langyaw kinahanglang makapakita og kamatuoran nga nabakunahan na kini batok sa COVID-19.
Matud ni Chan nga iyang tumong mao ang pagtabang sa pagpabalik sa ekonomiya sa dakbayan diin usa sa ilang gisaligan mao ang industriya sa turismo.
"If possible those who were already certified nga vaccinated na gyud sila, then they could come. Lisod na gyud kaayo ang atong ekonomiya sa city”, matud ni Chan.
Nunot niini, gikatahong sa167 ka kaso sa COVID-19 nga natala sa siyudad gikan sa Abril 1 hangtud sa Abril 7, 2021 giingong 49 porsyento niini ang symptomatic. Si Nagiel Bañacia, pangulo sa City Disaster Risk Reduction and Management Office
(CDRRMO) sa iyang post sa facebook nipadayag og mga kabalaka sa maong kalamboan tungod kay pipila na lang ang COVID-19 dedicated beds ang anaa sa mga tambalanan.
"It is critical to Lapu-Lapu City when more patients are symptomatic for there are only few hospital beds dedicated for COVID patients in the city”, matud ni Bañacia. Apan si Chan wala maalrama niini ug matud niya nga napakunhod na niining mga higayona ang transmission sa nahisgotang virus. —BDB (BANATNEWS)
- Latest
