Cebu City 937 na lang ang active cases sa COVID-19
CEBU, Philippines — Ang Dakbayan sa Sugbo aduna na lang kini 937 ka active case sa COVID-19 base sa gipagawas nga datos sa Department of Health (DOH)-7 sa nilabay’ng Martes.
Ang siyudad aduna kini 22,396 ka kinatibuk-ang kaso lakip niini ang 66 ka bag-ong kaso nga natala, 20,635 ang kinatibuk-ang recoveries lakip niini ang 19 nga nadugang ug 824 ang gidaghanon sa mga nangamatay.
Samtang ang Dakbayan sa Mandaue aduna kini 6,017 ka kinatibuk-ang kaso, 682 ang active cases lakip niini ang 11 ka bag-ong kaso nga nadugang, 5,130 ang kinatibuk-ang recoveries lakip niini ang 55 nga nadugang ug 205 ang kinatibuk-ang gidaghanon sa mga nangamatay lakip niini ang duha nga ulahing natala.
Ang Dakbayan sa Lapu-Lapu aduna kini 5,886 ka kinatibuk-ang kaso, 886 ang active cases lakip niini ang 16 ka bag-ong kaso, 4,851 ang kinatibuk-ang recoveries ug 149 ang gidaghanon sa mga nangamatay lakip niini ang ulahing usa nga nadugang.
Base usab sa sa datos sa DOH-7, ang Central Visayas adunay 52,360 ka kinatibuk-ang kaso, 4,216 ang active cases, 46,291 ang recoveries ug 1,853 ang gidaghanon sa mga nangamatay. —BDB (BANATNEWS)
- Latest