Sunog sa Guadalupe midanyus og P1.5 M, 1 ka tawo napaso
CEBU, Philippines — Mokabat sa 1.5 milyones ka pesos ang danyos sa sunog nga niulbo sa may Horse Shoe Drive, Barangay Guadalupe, Dakbayan sa Sugbo, gabii sa adlaw nga Martes.
Nadawat sa kabomberohan ang alarma alas 6:38 sa gabii nga naglambigit ug 2 ka andana nga residential structure nga giingong gipanag-iya ni Carlos Florido ug gipuy-an kini sa mga boarders.
Giisa sa 1st Alarm alas 6:45 sa gabii ug hingpit nga napawong ang kayo alas 7:09 sa gabii.
Matud pa ni FO3 Emerson S. Arceo, nga padayon pa nilang giimbestigar ang hinungdan sa sunog.
Sumala pa ni Arceo, wala hinooy nakalas sa maong sunog apan usa ka 20 anyos nga si Mico Dagatan ang nakaangon ug paso sa iyang tuo nga tiil.
Mokabat sa tulo ka pamilya ang naapektuhan sa sunog nga gilangkuban sa 12 ka mga tawo. —MEL (BANATNEWS)
- Latest