Pagbutang og bike lanes sa bukirang brgy patun-an
CEBU, Philippines — Gihangyo sa konseho sa Siyudad sa Sugbo ang Department of Public Works and Highways- Cebu City District Engineering Office (DPWH-Cebu City) nga mohimo og pagtoon alang sa pag-establisar og haom nga bike lanes diha sa portion sa Transcentral Highway sa Dakbayan sa Sugbo.
Lakip sa gihangyo niini mao ang Sugbo Bike Lanes Board (SBLB) nga mohimo og bike friendly zones o nailhan isip “Sugbo Bike Lanes” sa bukirang barangays nga buyon sa Transcentral Highway.
Si Konsehal James Cuenco ang nangamahan sa maong resolusyon ug giaprobahan kini sa konseho.
Matud pa niini nga dili tanang dalan nga paingon sa upland barangays ilabi na sa city portion sa Transcentral Highway ang dunay bike friendly zones.
“With the absence of bike lanes and increasing presence of bikers, these areas have become more dangerous to all road users- bikers and vehicle drivers alike,” nagkanayon si Cuenco.
Sa nasayran daghan na ang nabalita nga disgrasya sa kabukiran nga naglambigit sa bikers.
Nagkanayon si Cuenco nga ang biking nahimo na nga alternatibong matang sa transportasyon ilabi na sa pagtumaw sa COVID-19 pandemic.
Nagsilbi usab kini nga matang sa ehersisyo busa magbaha gyud ang bikers sa kabukiran panahon sa weekend ug mga holiday. Sa miaging katuigan , ang Department the Interior and Local Government (DILG) niisyu og Memorandum Circular No. 2020-100 nga nag-ulohan og “Guidelines for Establishment of a Network of Cycling Lanes and Walking Paths to Support People’s Mobility.”
Nagtuki kini nga ang pagbisiklita ug pagbaklay nagpakita sa luwas nga pamaagi sa pagbiyahe ilabi na nga napatuman gyud niini ang physical distancing. —MEL (BANATNEWS)
- Latest