P27M Phase Project sa Lapu-Lapu City Hospital nahuman na
CEBU, Philippines — Gitugyan na sa Department of Health (DOH)- 7 ang P27 milyones nga phase 2 project pagpalambo sa Lapu-Lapu City Hospital nidtong Huwebes sa hapon.
Mitambong sa turnover ceremony si Mayor Junard Chan, Bise Mayor Celedonio Sitoy ug mga sakop sa konseho kauban si Dr. Ronald Oporto nga maoy administrator sa Lapu-Lapu City Hospital sa habig sa siyudad.
Samtang si Dr Jaime Bernadas, direktor sa DOH -7 maoy mitunol sa ceremonial key ngadto sa mga opisyales sa siyudad.
Si Oporto miingon nga ang phase 2 mao ang duha ka andana sa maong edipisyo.
“This will be for the cashier, billing, information, pharmacy, atoang OPD, and atoang mga admin office, ug sa atoang mga nurse station sa admitting section,” nagkanayon si Oporto.
Ang Phase 1 mao na karon ang kasamtangang Emergency Room nga giokupar na karon isip Covid-19 ward sa mga pasyenteng adunay grabeng sintomas. —IBM (BANATNEWS)
- Latest
