Mga kaso hayan mosaka human sa Semana Santa
CEBU, Philippines — Gipaabot ni Cebu City Councilor Joel Garganera, Deputy Chief Implementer for Inter-Agency Task Force Emergency Operations Center Cebu City nga mosaka ang kaso sa coronavirus disease(COVID)-19 sa Cebu City ning mosunod nga mga adlaw nga resulta sa mga lihok sa mga tawo niadtong Semana Santa.
“We’re prepared every day. It’s already a muscle memory to us and it’s how things are expected here at EOC,” sigon ni Garganera. Base sa datos nga gipagawas sa Department of Health Central Visayas niadtong Miyerkules, ang Cebu City nakatala og 83 ka bag-ong kaso sa Covid-19.
Ang siyudad duna nay 22,038 total cases apan 1,149 lang niini ang active cases. Dunay 129 nga nadugang sa mga nangaayo mao nga karon ang siyudad duna nay 20,068 recoveries ug 821 ang deaths kay duha ang mapuno sa mga nakalas. Ang Mandaue City nakatala og 48 ka bag-ong kaso sa virus ug 69 ang dugang nangaayo.
Samtang ang Lapu-Lapu nakatala og 46 ka bag-ong kaso ug 15 ka dugang naayo.
Sa datos sa DOH-7 ang Central Visayas dunay 51,136 total cases sa COVID-19; 4,414 ang active cases; 44,890 ang recoveries ug 1,832 ang deaths.
Si Atty. Lizer Malate, hepe sa Mandaue City Emergency Operations Center (EOC) miingon nga nikunhod ang posivity rate sa dakbayan gikan sa 14 porsiyento sa bulan sa Marso ngadto na sa 11.51 porsiyento sa unang semana niining bulan a Abril 2021.
Si Malate padayong miawhag sa publiko nga tumanon ang health protocols ug suportahan ang liquor ban ug magpadayon ang pribadong sektor sa pagsuporta sa mga gipanghimo sa gobiyerno batok Covid-19.— Romeo T. Limpangog/IBM (BANATNEWS)
- Latest
