SEC mopatuman og bag-ong registration system
CEBU, Philippines — Ni-abiso ang Securities and Exchange Commission (SEC) ngadto sa publiko ilabina kadtong mga mo-apply sa ilang korporasyon nga mopatuman og bag-ong company registration system ang ilang buhatan.
Sa ilang advisory, ang SEC nagkanayon nga sugod Abril 19, 2021, ipatuman na niini ang Electronic Simplified Processing of Application for Registration of Company (eSPARC).
“New applications for registration of One Person Corporations, Corporations with 2-4 Incorporators, and Regular Domestic and Foreign-Owned (Stock and non-stock) Corporations must be submitted using the eSPARC” sumala sa SEC.
Sa maong advisory, ang SEC nagkanayon nga ang aplikasyon alang sa mga magparehistro sa partnerships ug foreign corporation, padayon nga dawaton ug iproseso ubos sa Company Registration System (CRS).
Ang aplikasyon alang sa CRS sa dili pa ang Abril 19, ma proseso gihapon ubos sa CRS gawas lang kon ang aplikante nahatagan og notisya sa SEC Processing Officer nga subling i-sumitir ang application niini gamit na ang eSPARC. —MEL (BANATNEWS)
- Latest
