Viaduct sa CSCR subling sirad-an
CEBU, Philippines — Temporaryong sirad-an sugod niadtong Lunes sa gabii (Abril 3) ang Cebu South Coastal Road (CSCR) viaduct gikan sa alas-10 sa gabii hangtud sa alas 5 sa buntag tungod sa padayong pagtrabaho sa Cebu-Cordova Express Link (CCLEX). Sumala pa sa advisory nga gi-post sa Facebook page sa Cebu City Transportation Office (CCTO) buhaton kini hangtud sa Abril 30.
Kahinumdoman nga duha ka semana na ang nakalabay sa dihang dugay naagian og mga sakyanan ang viaduct tungod sa wala mahuman ang trabaho sa CCLEX.
Ang maong taytayan kun mahuman mao nay ikatulong imprastraktura nga magsumpay sa mainland Cebu ug Mactan Island.— IBM (BANATNEWS)
- Latest