Istriktong protocols ipatuman sa kamerkadohan sa Cebu City
CEBU, Philippines — Si Cebu City Market Administrator Irvin Cabales nagkanayon nga laoman sa publiko ang istriktong pagpatuman sa protocols sa kamerakadohan sa siyudad ilabi na diha sa Carbon Public Market sa pagsugod sa Oplan Semana Santa karong adlawa.
Gibutyag ni Cabales nga niadtong Lunes ang Market Operations Division(MOD) nadakop og 20 ka manindahay og sagol sa benignit diha sa Carbon Public Market tungod kay namaligya kini diha sa wala gitugot nga lugar ug wala usab kini labot sa lista sa mga manindahay nga gitugotang makapamaligya.
Kadtong mga nadakpan nakalapas kini sa palisiya ug gikompiska ang ilang mga tinda ug makabayad usab sila og multa nga P500 isip administrative fine.
Subay niini, niadtong Lunes nahatagan na og citation ticket ang 18 ka deputized MOD enforces ug mahimo na sila nga makaisyu og citation tickets sa mga makalapas sa lagda sa trapiko.
Sa laing bahin, niabot sa 53 ka tawo ang nasikop tungod sa nagkalainlaing kalapasan atol sa gipahigayong Simultaneous Anti-Criminality Law Enforcement Operation (SACLEO) niadtong Lunes. Sa operasyon sa ilegal nga drugas diha sa Barangay Tanke ug Tabunok 13 ka durugista ang nadakpan kinsa nasakmitan og 25.7 gramos nga shabu nga nikantidadn tanan ngadto sa P174,760.
Upat ka sugarol ang nasikop diha sa Barangay San Roque, duha ka tawo ang nitahan sa ilang armas nga walay lisensiya ug tulo ang nasikop usab diha sa Barangay San Isidro, Lawaan 1 ug Maghaway nga adunay mga warrant of arrest. Matud ni Police Lieutenant Colonel Gerard Ace Pelare, hepe sa Talisay City Police Station nga padayon sila sa ilang gimbuhaton ilabi na nga naa gihapon ang pandemiya. Gabriel C. Bonjoc/BDB (BANATNEWS)
- Latest
