Grupo nag-rally batok sa NPA
CEBU, Philippines — Walay kakulian nga nahitabo atol sa rally sa mga batan-on batok sa grupong National People`s Army (NPA) kagahapon sa buntag didto sa Barangay Poblacion, Dakbayan sa Talisay.
Si Police Lt. Col. Gerard Ace Pelare, pangu sa Talisay City Police Station miingon nga adunay presensya sa kapolisan aron pagsiguro nga hapsay ra ang kalihukan.
Ang grupo nga nag rally mao ang mga kabataan sa Dakbayan sa Talisay ug mga myembro sa fraternities.
Gipanawagan sa grupo ngadto sa mga NPA nga hunongon na nila ang ilang mga kalihukan nga nag guba sa kahapsay ug kalinaw.
Lakip na ang pag-recruit og mga menor de edad aron moapil sa ilang grupo aron makigbatok sa gobyerno.
Matud pa ni Pelare nga nilibot ra sa lugar ang mga nag rally nga nagdala og placards ug nahuman ra kini og usa ka oras ug namauli.
Samtang milusad usab og motorkada kagahapon ang organisasyon nga gitawag og Sentrong Alyansa ng mga Mamamayan para sa Bayan (Sambayanan) sa laing laing lugar dinhi sa Siyudad sa Sugbo.
Ang maong grupo gilangkuban sa mga kanhi rebelde lukop nasud kinsa misuporta sa kampanya sa gobyerno alang sa kalinaw og kalambuan. —MEL (BANATNEWS)
- Latest