51,635 na ka health workers sa Central Visayas ang nabakunahan
CEBU, Philippines — Niabot na ngadto sa 117,973 ang gidaghanon sa healthcare workers sa Central Visayas nga eligible population alang sa vaccination gikan sa 89,019 sa Marso 24, 2021 ug 54,640 sa Marso 22, 2021.
Ang tigpamaba sa Department of Health (DOH)-7 ug hepe sa pathologist Dr. Mary Jean Loreche nagkanayon nga 51,635 ka health workers na ang nabakunahan samtang 66,338 ka health workers sa Central Visayas ang bakunahanan pa kini base sa Marso 25, 2021 nga talaan.
Sa maong 51,635 ka health workers 25,912 niini sa Cebu; 19,921 sa Bohol; 4,098 sa Negros Oriental ug 1,704 sa Siquijor.
Nasayran nga 49,061 ka bakuna ang gitagana sa Cebu; 39,210 sa Bohol; 10,970 sa Negros Oriental ug 5,164 sa Siquijor. Ang maong mga probinsiya aduna kini 199 ka vaccination sites diin ang Bohol adunay labing daghanng sites nga niabot ngadto sa 81.
Sa laing bahin, gikatakdang 15 ka vaccination ug medical partners ang magpirmahanay sa memorandum of agreement karon uban sa Visayas Vaccination Operation Center kalabotan sa Philippine National Deployment and Vaccination Plan alang sa COVID-19 vaccines.
Ang maong vaccination partners gamiton isip vaccination centers alang sa deployment ug application sa COVID-19 vaccines.
Matud ni Loreche nga tukion karon sa maong vaccine operation center ang kasamtangang estado sa vaccination program sa Central Visayas, planning stage sa pag-distribute sa vaccines ug ang pagpakiglabot sa komunidad ngadto sa pribadong sektor.
Si retired general Melquiades Feleciano, IATF-EID deputy chief implementer for the Visayas, Secretary Michael Llyod Dino sa Office of the Presidential Assistant for the Visayas, Edmun Liu, chairman sa Project Balik Buhay, Kenneth Cobonpue, chairman sa Regional Development Council-7, Atty. Lee Maraon sa OPAV ang gikatakdang mo apil sa kalihokan. The Freeman/BDB
- Latest
