Lima ka kilong marijuana nasakmit
CEBU, Philippines — Tulo ka mga lalaki ang nasikop sa mga tinugyanan sa Philippine Drug Enforcement Agency Central Visayas ingon man sa kapulisan ug nasakmit gikan nila ang lima ka kilo nga gidudahang Marijuana atol sa operasyon nga gihimo diha sa Dumlog-Climaco Road, Barangay Anislag, Toledo City niadtong Sabado sa gabii.
Ang mga nasikop naila nga sila si Jobert Cabelis, Jerry Orillian, ug Ralph Lauren Benesisto. Lakip sa nasakmit gikan kanila ang buybust money, us aka cellphone ug motorsiklo.
Matud pa nga nagkantidad ang maong marijuana og P600 mil base sa Dangerous Drugs Board value.
Ang mga dinakpan nga si Cabiles usa ka habal-habal driver; si Orillian, usa ka furniture factory worker ug dog handler usab si Benesisto.
Matud pa ni Leia Albiar-Alcantara, tigpamaba sa PDEA-7 ang tulo giingong makabaligya og dili mominos 30 ngadto sa 50 kilo nga Marijuana matag semana.
Adunay gihimo nga imbestigasyon pag-ila kung kinsa ang tinubdan niini samtang gisusi pa kun kinsa kadtong ilang mga kaubang nakaikyas. —IBM (BANATNEWS)
- Latest