Discipline zone sa Talisay gidugangan
CEBU, Philippines — Gipalapdan sa Dakbayan sa Talisay ang barangay nga ilang himuon nga discipline zone.
Kini maoy gibutyag ni Police Lt. Col. Gerard Ace Pelare, pangu sa Talisay City Police Station.
Sa nasayran usa ka buwan na ang nilabay human giderklarar ang Barangay Tabunok isip discipline zone.
Matud pa ni Pelare isunod nila ang pagdeklara sa barangay Dumlog ug Cansojong diin diha dapit sa ilang merkado o tapukanan sa mga tawo.
Kini maoy pamaagi nga malikayan ang pagtapok sa mga tawo ilabi na kadtong mamalitay nonot sa pagsaulog sa semana santa.
Ilahang gilikayan nga mahitabo susama sa Syudad sa Sugbo nga nagdasok na ang mga tawo aron pagpalit og binignitonon.
Niadtong miaging adlaw nagtigom ang kapolisan sa Talisay uban sa duha ka mga kapitan ug sila nagkasabot nga ilusad nila ang discipline zone sa Dumlog ug Cansojong karong adlaw’ng Lunes. MEL (BANATNEWS)
- Latest