Bakery gitulis sa lalaking nagtaptap
Cebu, Philippines — Nakugang ang tindera sa usa ka bakery dihang gitulis kini sa usa ka lalaki nga nagtaptap diha sa Barangay Mohon, Dakbayan sa Talisay niadtong Miyerkules sa gabii.
Ang kapolisan sa Talisay nihangyo nga itago lang una ang pangalan sa tindera samtang nagpahigayon pa sila og imbestigasyon.
Nakita sa footage sa Close Circuit Television (CCTV) ang pultahan sa bakery nga gialihan og mga bangko.
Kalit kining nisibog og nibutho ang lalaking nagtaptap sa dagway nga nagsul-ob og khaki nga short pants ug nagsapatos nga nagtion og armas.
Nakita usab sa footage nga ang maong tulisan niadto sa laing parti sa kwarto ug dayon sibat.
Si Vivian Aventurado, supervisor sa maong bakery nagkanayon nga P12 mil ang kantidad sa kwarta ang nadala sa tulisan.
Si Patrolman Eleazar Belciña sa Talisay City Police Station nagkanayon nga gisubay nila kong aduna bay kauban ang suspetsado.(BANAT NEWS)
- Latest
