Kabanhawan festival sa minglanilla himoong virtual

Cebu, Philippines — Lokal nga pangagamhan sa Lungsod sa Minglanilla, mopahigayon sa kabanhawan Festival pinaagi sa virtual.

Kini ang gitug-an ni Fr, Joy Danao, ang Team Moderator sa team of pastors sa Archdiocesan Shrine of the Immaculate Heart of Mary sa Minglanilla, Cebu. Matud pa niya nga ang LGU mopasiugda sa kabanhanwan festival pinaagi sa virtual.

Sumala pa ni Danao, makig-alayon pa sila sa lokal nga kagamhanan alang sa mga kalihukan sa semana santa.

Ang kadagkuan sa Simbahan naghan-ay na karon sa pipila ka mga kalihukan sa semana santa nga mosubay usab sa kamanduan sa Inter-Agency Task Force.

Makigtagbo usab ang LGU sa mga kaparian aron tukion ang mga kalihukan nga magtamod ug mosubay sa gilatid nga lagda sa sama sa social distancing ug minimum health standard.

Samtang ang uban nga mga simbahan sa Archdiocese of Cebu nakig-alayon na usab sa ilang mga LGU kung unsay angay ug dili angay nga buhaton nila panahon sa semana santa.