Mga empleyado di pugson magpabakuna— DOLE
Cebu, Philippines — Gipasidan-an sa Department of Labor and Employment -7 ang mga kompanya nga dili himuong rekisitos ang pagpabakuna batok Covid-19 sa ilang mga kawani aron sila makatrabaho.
Ang pasidaan gipagawas ni Labor Secretary Silvestre H. Bello III sa miaging semana nga nag-ingong illegal ang “No Vaccine, No Work Policy.”
Dili palang dugay, dunay mga balita nga nanggawas nga diin dunay mga employers ang namugos sa ilang mga kawani nga magpabakuna kun gusto pa silang makabalik sa trabaho.
Tungod niini nipagawas ang ahensiya og Labor Advisory No. 03, Series of 2021 o ang Guidelines on the Administration of COVID-19 Vaccines in the Workplaces.
“It would still be up to the workers, whether or not, they want to be vaccinated. Therefore, no worker must be forced to get the vaccine shot,” matud pang DOLE-7 Regional Director Salome O. Siaton sa post diha sa ilang Facebook page.
“Employees who refuse to be vaccinated should not be discriminated against in terms of tenure, promotion, training, pay and other benefits, among others, or terminated from employment,” dugang pang Siaton.
Matud niya ang mga pribadong sektor o mga kompanya mahimong mopalit og kaugalingong bakuna para sa ilang mga kawani apan kinahanglang pinasubay sa Occupational Safety and Health Program nga uyon sa guidelines sa Department Of Health ug sa Inter-Agency Task Force or IATF.
“No cost of vaccination in the workplace shall be charged against or passed on, directly or indirectly, to the employees,” dugang pa ni Siaton.
- Latest