Hunta pabor sa face-to-face classes
CEBU, Philippines — Pabor ang Cebu Provincial Board (PB) sa pagbalik sa physical classes pinaagi sa pagpatuman sa pilot testing sa localized limited face-to-face classes sa mga dapit nga gamay kaayo og kaso sa coronavirus disease.
Si 7th District Board Member Christopher Baricuatro niduso og resolusyon nga pagsuporta sa pagbalik sa face-to-face classes. Kini giaprobahan sa hunta probinsyal niadtong Marso 8, 2021.
Si Baricuatro kinsa maoy chairman sa Committee on Higher and Technical Education sa provincial board miingon nga kining online ug modular learning napakyas paghatag og"stable and passable level of quality education” sa kabataan.
Ang Department of Education (DepEd) sa Probinsya sa Sugbo nangandam na daan sa posibleng pagbalik sa limited face-to-face classes.
Gani aduna nay 12 ka mga eskuylahan nga gipili nga maoy pilot schools sa pagpatuman niini. —IBM (BANATNEWS)
- Latest