DepEd mag-survey sa mga magtutudlo kabahin sa bakuna
CEBU, Philippines — Nagtinguha karon ang Department of Education (DepEd)-7 sa pagpahigayon og survey ngadto sa ilang mga magtutudlo niining semanaha aron masuta kinsa ang gusto nga magpabakuna batok sa COVID-19.
Ang director sa DepEd-7 Dr. Salustiano Jimenez nibutyag nga mopahigayon sila og survey kini human daghan sa mga magtutudlo ang nagduha-duha ug wala pa makadesisyon kong magpabakuna ba sila o dili.
Matud ni Jimenez nga atol sa iyang pagbisita sa Daanbantayan daghan sa mga magtutudlo ang nipadayag sa ilang kabalaka kalabotan sa bakuna.
Ug tungod sa kabalaka sa mga magtutudlo hinungdan nga ilang hingusgan ang adbokasiya ang pag-edukar sa mga magtutudlo ug non-teaching personnel kabahin sa bakuna.
Tinguha ni Jimenez nga daghan sa mga magtutudlo ang mahatagan og bakuna ug magpabakuna batok sa COVID-19. BDB (BANATNEWS)
- Latest