Off-site registration himoon sa mga barangay nga way kaso sa COVID-19

CEBU, Philippines — Gimandoan sa Commission on Elections (Comelec) Cebu Province ang mga local Comelec office sa probinsya nga mopahigayon og off-site registration ngadto sa mga barangay.

Kini pamaagi aron mas modaghan pa ang magparehistro nga botante alang sa 2022 election tungod kay taas pa ang ilang apasonon sa pag parehistro gumikan sa nasinate nga pandemya.

“But now I’ve been granting more and more satellite registration, because I am also requiring them to have satellite registration at least once a month, as long as makaadto ra sila sa barangay nga zero active case” matod ni Atty Lionel Marco Castillano ang provincial election supervisor.

Suma pa ni Castillano nga dakung hagit alang kanila ang pagpahigayon sa voter registration nonot sa nasinate nga COVID-19 pandemic.

Gani matod niya sa sa miaging tuig 2020 didto lang sa Badian nakapahigayon sa maong satellite registration.

Karon giusab na kini sa Comelec ug kadto na lang barangay nga walay active cases ang kapahigayonan sa satellite registration.

Samtang mitanyag og promo ang Comelec sa Dakbayan sa Bogo alang niadtong kababayen-an nga mopahimulos sa special registration for women program 2021. Kini nonot sa pagsaulog sa National Women Month karong buwana.

Ang maong promo himoon sa matag Biyernes sa tibuok buwan sa Marso diin sila manghatag og mga token sa kababayen nga registrants.

Lakip sa ipanghatag mao ang chocolates, cake ug prutas, ingon man mga beauty kits ngadto sa labing unang 20 ka mga babaye nga magparehistro sa matag Biyernes. Romeo T Limpangog/MEL (BANATNEWS)