Grupo sa mga sugbuanon milusad sa ‘Run Sara Run’ campaign

CEBU, Philippines — Usa ka motorcade ang gipahigayon sayo sa buntag adlaw nga Lunes sa pipila ka mga sugbuano aron sa pag-awhag kang Mayor Sara Duterte nga modagan pagka president sa nasud.

Alas otso sa buntag gisugdan ang Opening Salvo sa Run Sara Run, gikan sa Plaza Independencia ngadto sa Mandaue balik sa Plaza.

Ang original nga rota sa motorcade naggikan sa Plaza Independencia ngadto sa SRP, right to sm seaside, to mambaling, ngadto sa N.Bacalso Highway, left to V. Rama, right to B. Rodriguez lahos sa Fuente ngadto sa mango avenue lahos sa city health, Robinson Galleria dayon balik sa plaza apan nilahos kini sa Dakbayan sa Mandaue.

Matud pa ni Neil Papas, usa sa mga niapil sa kalihukan, nga ilang giawhag si Inday Sara nga modagan pagka presidente tungod kay kini ra ang makapadayon sa kausaban nga gisugdan ni President Duterte.

Dugang pa ni Papas, dili kaayo taas ang ilang motorcade kay short notice lang kini apan maayo ra usab kaayo kini alang sa ilang gihimo nga opening salvo.

Ang mga niapil sa kalihukan mao ang DU30 parallel groups nga maoy nangampanya sa presidente niadtong 2016.

Malaumon ang mga niapil sa kalihukan nga modagan gayud si Mayor Sara Duterte kay kini ang makasumpay sa federalismo nga maoy kawsa ni Pres Duterte, ug maoy ilang panghinaut nga paminawon sa mayor sa Davao ang ilang panawagan. MEL (BANATNEWS)