Guidelines sa kalihukan sa semana santa ipagawas sunod semana

CEBU, Philippines — Commision on Worship sa Archdiocese of Cebu nakaduso na ug guidelines alang sa mga kalihukan sa Semana Santa ngadto sa buhatan sa Chancellor alang sa approval ni Archbishop Jose S. Palma.

Kini ang gitug-an ni Fr. Japheth Geonzon, Parochial Vicar sa Cebu Metropolitan Cathedral ug Vice Chairman sa Archdiocesan Commission on Worship nga nahinabi sa banat news.

Matud pa ni Geonzon, nga miduso na sila og guidelines sa nilabay nga semana ug gipaabot nga ipagawas kini sa chancellor sa umaabot nga adlaw o kaha sunod buwan.

Nagkanayon si Geonzon, wala kaayoy dagko nga kausaban, hinoon dunay kalainan ang kalihukan sa semana santa nonot sa mga gipatuman nga restrictions nonot sa COVID-19.

Lakip sa guidelines mao ang pagdili gihapon sa pagpahigayon og procession, bisita iglesia ug pagpahalok sa Santo Entierro tungod sa hugot nga gipatuman nga health protocols.

Gitug-an ni Geonzon, atol unya sa mga kalihukan sa semana santa, padayon gihapon ang pagsunod sa gipatuman nga health protocols diha sulod sa mga simbahan. MEL (BANATNEWS)