Medical certificate di na kinahanglan
CEBU, Philippines — Pormal nga isugyot sa Department of Interior and Local Government (DILG) -7 karong adlawa ang pagtangtang na sa medical certificate ug travel authority isip kabahin sa mga travel requirements nga kinahanglang dad-on sa mga mobiyahe sa mga lugar nga ubos sa Modified General Community Quarantine ug General Community Quarantine areas.
Si DILG Undersecretary for Operations Epimaco Densing III miingon nga nasabotan nila kauban sa “league officials” nga wagtangon na ang maong mga requirements.
“Kay irrelevant naman na magpa issue kag medical certificate pagbiyahe nimo after two to three days matakdan ka,” matud ni Densing.
Ang travel authority gikan sa PNP “irrelevant” na usab kay walay kini bili sa health protocols. Ang mga polis maayo adto nalang motutok sa pagbantay.
Kalabot sa baruganan ni Gob. Gwendolyn Garcia nga dili na mangayo og PCR test sa mga turistang manganhi sa Sugbo, si Densing miingon nga katungod kini sa gobernador ug wala kini nakitang sayop.
“Walay nahimong violation si Garcia sa iyang E.O. tungod kay nisubay kini sa IATF Omnibus guidlines sa intrazonal- interzonal movement,” matud ni Densing.
Pagklaro kini ni Densing human dunay pasidaan ang IATF nga kinahanglang ang tanang local chief executives mosubay sa mga guidelines nga gi-set sa national government.
Si Garcia sa iyang bahin nagkanayon nga tanan niyang E.Os nga giluwatan ug gisumiter ngadto sa DILG wala mosupak sa mga guidelines sa gobiyerno.
“Ako relihiyoso kay ako mosumiter sa tanan natong executive orders kay sayod man ta. Mga mayors, chief executives isumiter man ‘ta gyud ni. So I have been following IATF guidelines religiously ug wala koy gisupak,” dugang sa gobernador.
Nagpasalamat usab si Garcia kang Densing sa paghimo og katin-awan sa issue. —IBM (BANATNEWS)
- Latest
