Pugante nakigpinusilay patay sa polis
CEBU, Philippines — Patay ang usa ka pugante human nakigpinusilay sa kapulisan atol sa manhunt operation batok kaniya niadtong Huwebes sa gabii, Pebrero 18,2021 diha sa F. Jaca St. Brgy Kinasang-an, Pardo, Cebu City diin kini nagtago.
Napatay sa kapolisan si Alwin Cereño human nakigpinusilay sa mga polis. Si Cereño nakaeskapo sa police escorts niini human iyang gipatiran ang drayber sa patrolcar samtang sila pabalik na sa Mambaling Police Station, human nagpa medical checkup.
Mga alas 11:30 sa gabii, inabagan sa ubang mga police stations, ang Regional Intelligence Division (RID) -7 misusi sa mga impormasyong ilang nadawat nga ang suspek naa nagtago sa maong dapit. Si Police General Debold Sinas, chief PNP, sa iyang pagbisita sa Police Regional Office (PRO) -7 miila ni Cereño nga usa ka primary gunner sa pagpatay kang Police Senior Master Sergeant Maximino Macua Jr.
Si Macua gipusil atol sa usa ka anti-drug operation sa Pebrero sa miaging tuig sa Pebrero diha sa Barangay Mambaling.
Matod ni Police Lt. Colonel Wilbert Parilla, Deputy City Director for Operations sa CCPO miingon nga nangalyas si Cereño sa dihang una kining nadakpan sa kasong illegal possession of firearms ug explosives.
Atol sa operasyon, napusilan sa suspek diha sa walang paa si Police SSgt. Chuby Caloscos ug naigo sab kini sa dughan apan nasalbar sa gisuot niyang bulletproof vest,matud pang Parilla. Gawas sa paghupot og armas ug eksplosibo, si Cereño gitumbok sab nga suspek sa mga pagpanulis sa usa ka gasolinahan sa Dakbayan sa Naga.— IBM (BANATNEWS)
- Latest