Mayor na COVID-19

CEBU, Philippines — Gipahibalo sa Mayor sa lungsod sa Oslob nga si Jose Tumulak Jr. nga siya natakdan sab sa coronavirus disease (Covid-19).

“Gikasubo ko sa pagpahibaw kaninyo nga ako dili exempted sa maong sakit. Tungod sa kadaghang aktibidadis nga atong gitambungan sa pagpanerbisyo, positive ko sa Covid-19,” sumala ni Tumulak nga gipost sa Municipality of Oslob Facebook page.

Wala na mohatag pa og dugang nga detalye ang mayor kalabot sa iyang kondisyon apan matud niya padyaon ang serbisyo sa munisipyo  gawas lang sa iyang buhatan. Si Tumulak maoy ikanapulo nga mayor sa Sugbo nga natakdan sa virus. Una nang nangatakdan ang mga mayor sa Tuburan nga si Danilo Diamante, Daanbantayan Mayor Sun Shimura, Barili Mayor Marlon Garcia, Lapu- Lapu City Mayor Junard “Ahong” Chan, San Fernando Mayor Lakambini Reluya, Asturias Mayor Jose Antonio Pintor, Alcoy Michael Angelo Sestoso ug ning bag-o si Talisay City Mayor Gerald Anthony “Samsam” Gullas ug Ginatilan Mayor Dean Michael Singco. —IBM (BANATNEWS)