Polis gipatiran, dinakpan nakaeskapo
CEBU, Philippines — Usa ka dinakpan sa Mambaling Police Station tungod sa paghupot og illegal nga armas ug eksplosibo ang nakaeskapo samtang gikan kini gipaubos sa medical checkup ayha kini ibalhog sa prisohan.
Si Police Lt. Col. Wilbert Parilla ang Deputy City Director for Operation sa Cebu City Police Office miila sa nakaeskapo nga mao si Alwin Amparado Sereño, nagatubang og duha ka kasong paghupot ug armas ug eksplosibo.
Matud pa ni Parilla gikarga sa patrolcar ang suspek nga gikuyogan og duha ka polis sa dihang nahitabo ang pageskapo.
Base sa inisyal nga pakisusi giingong gisikaran ni Sereño ang drayber hinungdan nga nahunong ang patrolcar ug nakahigayon ang suspek sa pagdagan bisan og nakaposas kini.
Gimandoan karon ang Mambaling Police Station paglusad og manhunt operation sud sa 24 oras.
Ang duh aka polis nga naeskapohsan gikatakdang ipaubos sa administratibang imbestigasyon.— IBM (BANATNEWS)
- Latest
