Nakigdulog og menor, gipadakop
CEBU, Philippines — Usa ka 41- anyos nga bana ang gipadakop sa iyang asawa human kini ug ang menor de edad nga karelasyon nasakpan sud sa usa ka pribadong lawak diha sa Purok Original, Brgy. Inayagan, Dakbayan sa Naga.
Ang nadakpan 41-anyos nga taga Brgy. Tunghaan sa Minglanilla ug ang iyang 17 anyos nga giingong uyab niini nga taga Brgy. Tuyan sa Dakbayan sa Naga.
Matud pa nga ang pananghid sa suspek motambong kini og birthday party sa panimay sa igsuon niini, apan didto na kini nga natulog sa balay sa igsuon ug wala na mouli anang adlawa.
Ang asawang 40- anyos nakadawat og tawag nga ang iyang bana adunay gikadulog sa lawak sa balay sa igsuon niini hinungdan sa pagdalidali niini og adto didto.
Dali nga niapas ang asawa uban sa ilang mga anak ug didto iyang nakit-an ang iyang bana nga nagsuot nalang og brief kadulog ang babaye.
Ang asawa nitawag sa buhatan sa City of Naga Police Station ug mipadakop sa duha.
Matud pa ni Police Master Sergeant Nikki Carlo Plarisan gidala sa Youth Holding Center ang dalagita samtang sa prisohan ang bana.
Kasong paglapas sa Ang kapulisan padayon pa karon nihimo ug imbestigasyon samtang giandam ang kasong ipasaka batok sa bana.
Giingong ikaduha na kining higayon nasakpan ang bana sa pakigkulokadidang niini sa laing babaye.— Rowena D. Capistrano/IBM (BANATNEWS)
- Latest