170 bag-ong kaso natala sa Cebu City
CEBU, Philippines — Nakatala ang Cebu City og dugang 170 ka bag-ong kaso base sa datos nga gipagawas sa Department of Health Central Visayas niadtong adlaw’ng Huwebes.
Ang Cebu City dunay 14,170 total cases ug 2,671 ang active cases. Niabot na sab sa 10,788 ang recoveries sa Cebu City naa sa 711 ang deaths. Ang Mandaue City dunay 493 aktibong kaso samtang 3,376 ang tanang kaso niini human nadugangan og 22. Miabot na sab og 2,706 ang nangaayo ug 177 ang nakalas.
Samtang ang Lapu-Lapu City dunay 338 ka active cases karon sa ilang 3,254 kinatibuk-ang kaso human dunay nadugang nga 23 ka bag-ong kaso. Ang nangaayo na sa siyudad 2,801 human dunay nadugang 91, samtang 115 ang nakalas human dunay usa nga nadugang.
Ang Central Visayas aduna nay 32,029 total cases; 5,040 niini ang aktibo; 25,486 ang recoveries ug 1,503 na ang nangamatay.
Sa pikas bahin, usa ang nadugang sa talaan sa mga nakalas sa maong sakit diha sa Dakbayan sa Talisay hinungdan nahimo na kini karong 104 sa ilang talaan.
Ang bag-ong nakalas 22 anyos nga lalaki nga taga Barangay Dumlog kinsa nasulod sa tambalanan human nakasinati og tetanus ug gallstone niadtong Pebrero 5 dayon gi swab test. Apan namatay kini niadtong Pebrero 6 ning tuiga. Sa pagkakaron, 1,375 ang kinatibuk-ang kaso sa siyudad ug 168 ang aktibong kaso.— Gabriel Bonjoc/IBM (BANATNEWS)
- Latest
